धोरां मे धाम कहावे,
थारो करणी नाम कहावे,
धोरां मे धाम कहावें,
थारो करणी नाम कहावे,
ओ म्हारी मावडी ए,
थारा दर्शन सु दुखडा मिट जावे,
थारा दर्शन सु दुखडा मिट जावे।।
देशनोक मे थारो धाम भलो है,
करणी माताजी थारो नाम खरो है,
करणी माताजी थारो नाम खरो है,
नर नारी दर्शन आवे,
चरना मे शिश नमावे,
नर नारी दर्शन आवे,
चरना मे शिश नमावे,
ओ म्हारी मावडी ए,
थारा दर्शन सु दुखडा मिट जावे,
थारा दर्शन सु दुखडा मिट जावे।।
नगर बिकानो मैया आप बसायो,
शेखो जी ने करणी परचो दिखायो,
शेखो जी ने करणी परचो दिखायो,
थारा रूप अनंत कहावे,
थारी लीला जान न पावे,
थारा रूप अनंत कहावे,
थारी लीला जान न पावे,
ओ म्हारी मावडी ए,
थारा दर्शन सु दुखडा मिट जावे,
थारा दर्शन सु दुखडा मिट जावे।।
जो भी शरन मे थारे श्रद्धा सु आवे,
करणल किनीयानी उनरी आस पुरावे,
करणल किनीयानी उनरी आस पुरावे,
थाने चार खुट मे ध्यावे,
थारी जगमग ज्योति जगावे,
थाने चार खुट मे ध्यावे,
थारी जगमग ज्योति जगावे,
ओ म्हारी मावडी ए,
थारा दर्शन सु दुखडा मिट जावे,
थारा दर्शन सु दुखडा मिट जावे।।
लीला तिहारी करणी किनविद गावु,
मै तो अज्ञानी बालक पार नही पावु,
मै तो अज्ञानी बालक पार नही पावु,
दास अशोक सुनावे,
करणी रो दास कहावे,
दास अशोक सुनावे,
करणी रो दास कहावे,
ओ म्हारी मावडी ए,
थारा दर्शन सु दुखडा मिट जावे,
थारा दर्शन सु दुखडा मिट जावे।।
धोरां मे धाम कहावे,
थारो करणी नाम कहावे,
धोरां मे धाम कहावें,
थारो करणी नाम कहावे,
ओ म्हारी मावडी ए,
थारा दर्शन सु दुखडा मिट जावे,
थारा दर्शन सु दुखडा मिट जावे।।
गायक – मोईनुद्दीन जी मनचला।
प्रेषक – मनीष सीरवी।
(रायपुर जिला पाली राजस्थान)
9640557818
